Cystadleuaeth ysgrifennu

All posts tagged Cystadleuaeth ysgrifennu

Awydd sgwennu stori fer, fer?

Published Ionawr 9, 2020 by gwanas

db3b094a0a9f7f84387592c2540a12ec--coffeeshops-writing-inspiration

Cystadleuaeth agored i ferched o bob oed, yn awduron newydd neu brofiadol!

Mae’r manylion i gyd yn rhifyn gaeaf Cara ac ar wefan http://www.cara.cymru.

Cylchgrawn i ferched ydi Cara, os nad oeddech chi’n gwybod:

Y thema yw Adre/Adra/Cartref, gan mai’r wobr yw £100 o nwyddau gwefan Adra. Gwobr gwerth ei hennill!

A straeon byr go iawn – llai na 1,000 o eiriau!

Y dyddiad cau yw Diwrnod Santes Dwynwen, 25 Ionawr, felly dim ond rhyw bythefnos sydd i roi pin ar bapur ac i anfon eich cynigion.

Y beirniad yw Manon Steffan Ros, a bydd enw’r enillydd, a’r stori fuddugol, yn rhifyn gwanwyn Cara a fydd yn y siopau ganol mis Mawrth. Byddan nhw hefyd yn cyhoeddi mwy o’r straeon yn y dyfodol, yn y cylchgrawn print, ac ar y wefan.

Os hoffech chi fwy o wybodaeth, ewch i’r wefan, prynwch gopi o Cara (sydd yn dal i fod yn y siopau) neu anfonwch e-bost at Efa a Meinir – cylchgrawncara@gmail.com

Ewch amdani!

Llyfrau Steddfod Dyffryn Conwy

Published Awst 14, 2019 by gwanas

Dyma’r llyfrau brynais i ar y maes yn Llanrwst:

20190807_093802

Dwi hanner ffordd drwy Carafanio ac yn mwynhau’n arw! Ond roedd gen i fwy o lyfrau ar fy nesg cyn mynd i’r Steddfod, yn cynnwys Treheli gan Mared Lewis:

9781784617158

a Mudferwi gan Rebecca Roberts:

Mudferwi-clawr

Llwyth o ddarllen o mlaen i felly! A dwi’n meddwl mai ar gyfer oedolion mae’r rheina i gyd – heblaw Horwth efallai? Ond dydi hwnnw ddim yn edrych fel un ar gyfer plant, chwaith. Mi wnai adael i chi wybod wedi i mi eu darllen i gyd, a chan mod i angen gorffen sgwennu fy nofel fy hun yn y cyfamser, mi allai fod yn sbel go lew, iawn?

Roedd hi’n Steddfod hyfryd, er ei bod hi wedi bod yn amhosib gweld a chlywed bob dim. Doedd darllen stori Sali Mali ynghanol y sŵn a’r miri yn y Pentre Plant ddim yn hawdd (diolch i bawb wnaeth aros!) ac mi ges i fodd i fyw yn cyfarfod ffans Cyfres y Melanai ar stondin y Cyngor Llyfrau:


Diolch arbennig i Courtney o Lundain am ddod i chwilio amdana i ar ol y sesiwn arwyddo (roedd ei nain yn canu ar y llwyfan yr un pryd â’r sesiwn arwyddo swyddogol…).

Gyda llaw, mi fues i’n sbecian rownd y cefnau a dyma sut mae staff y CLLC yn llwyddo i lenwi’r silffoedd drwy’r wythnos:
20190805_144234

Sgwrs ro’n i wir am fod yn ran ohoni oedd yr un am amrywiaeth mewn llyfrau plant, ond ro’n i’n brysur yn cynnal gweithdy sgwennu ar y pryd…

20190806_112329

Ond mae ‘na erthygl am y drafodaeth ar BBC Cymry Fyw fan hyn:

https://www.bbc.co.uk/cymrufyw/49255371?fbclid=IwAR3OHkG5mH2NqdCVRLUerNntqFvT2hjZLCGtj-gjCJabW6rPywno2ehQP4E

A dwi’n cytuno 100% efo Elin Haf Gruffudd Jones y dylai cyhoeddwyr llyfrau o Gymru edrych ar gyfresi o dramor er mwyn cael gwell amrywiaeth. Pam troi at lyfrau Saesneg o hyd? A deud y gwir, dwi newydd gytuno i gyfieithu llyfr plant oedd yn Almaeneg yn wreiddiol… mwy am hynny eto – ond DWI WRTH FY MODD!

A newyddion gwych o lawenydd mawr: mae Cyfeillion y Cyngor Llyfrau wedi lansio cystadleuaeth er mwyn cael mwy o nofelau ar gyfer oedolion ifanc. Gwobr o £1,000 ar gyfer y penodau cyntaf & synopsis! Mae gynnoch chi tan Chwefror 20fed 2020, a dyma fwy o fanylion:

Cystadlaeuaeth llunio Nofel 2019

Brysiwch i feddwl am syniad – a SGWENNWCH!