Alun yr Arth a’r Ddraig Fach Goch

All posts tagged Alun yr Arth a’r Ddraig Fach Goch

Alun yr Arth rhif 25!

Published Gorffennaf 10, 2017 by gwanas

alun yr arth

Hwrê! Mae un o’r cyfresi Cymraeg mwyaf poblogaidd erioed i blant bach dan 7 oed yn dathlu carreg filltir yr wythnos hon: cyhoeddi’r 25ain llyfr yng nghyfres Alun yr Arth! Sef  Alun yr Arth a’r Ddraig Fach Goch gan Morgan Tomos.

Yn yr antur newydd, mae Alun yn mynd ar gefn y ddraig fach goch ar daith o gwmpas Cymru ac mae’n gweld rhyfeddodau di-ri! Ond pam mae’r ddraig fach mor drist?

‘Daeth y syniad ar gyfer y stori am Alun yn cwrdd â draig goch ar ôl i mi ymweld â Ysgol Bro Dyfrdwy yn gynharach eleni,’ meddai Morgan, ‘Mae’r diolch yn bennaf i ddisgybl o’r enw Meirion am ddychmygu’r syniad!’

Dwi’n siŵr bod Meirion wrth ei fodd bod ei syniad o wedi creu llyfr!

Mae dros 50,000 o lyfrau Alun yr Arth wedi eu gwerthu erbyn hyn. Dyma i chi rai ohonyn nhw:

A dyma’r awdur – a’r arlunydd, Morgan, yn sgwrsio efo criw o blant bach:

Alun-yr-Arth-ar-Wy-Pasg-006

Mae ‘na hefyd apiau a chyfrif Twitter a gwefan newydd sbon – linc fan hyn: http://www.alunyrarth.cymru/
Cefnogwch lyfrau gwreiddiol Cymraeg!

Advertisements