Iawn, rhywbeth amdanaf fi: ym… Dwi’n awdures.
Darllenydd brwd.
Caru llyfrau yn fwy na dim. Wel, bron. Dwi’n caru Del, fy nghi hefyd:
Del ydi hi ynde? Dyna pam gafodd hi’r enw… Ond dim ond 14 oed ydi hi a dwi’n darllen llyfrau ers BLYNYDDOEDD! Ers pan ro’n i tua 6 mae’n siwr, ac mae hynny’n bell iawn yn ôl.
Dwi hefyd yn hoffi beicio, siocled (nid y stwff tywyll), tynnu lluniau, a sgwennu llyfrau wrth gwrs.
A dyma lun sy’n dangos effaith llyfr da arna i:
Beth bynnag, dyna ddigon amdana i, neu fydd gen i ddim byd i flogio amdano!
Hmm… gwell cynnwys rhestr o’r llyfrau plant dwi wedi eu sgwennu tydi? Dyma chi, yn y drefn y cawson nhw eu sgwennu:
Llinyn Trôns
Y Lolfa 2000 (Arddegau)
Popeth am Gariad…wel, bron
Gwasg Gwynedd 2001 (addasiad) (Cynradd) Llyfr chydig yn wirion yn fy marn i…
Sgôr
Y Lolfa 2002 (Arddegau)
Ceri Grafu
Accac /Y Lolfa 2003 (Cynradd/Bl 7)
Pen Dafad
Y Lolfa 2005 (Arddegau)
Ramboy
Y Lolfa 2009 (Fersiwn Saesneg o Pen Dafad)
Dwy Stori Hurt Bost
Gwasg Gwynedd 2010 (Cynradd)
Blaiddi
Gwasg Gwynedd 2012 (addas) Plant bach
Llwyth
Y Lolfa 2013 (Arddegau)
Môr Ladron yr Ardd Gomer 2013 (addas) Plant iau
Gwylliaid – enillais i Wobr Goffa T Llew Jones am hon!
Gomer 2014 (10-13 oed)
Bryn y Crogwr Y Lolfa (Stori Sydyn) 2015 (ar gyfer oedolion yn bennaf, ond mae’n iawn ar gyfer oedolion ifanc tua 14/15+)
Coeden Cadi, Cadi dan y Dŵr, Cadi a’r Deinosriaid a Cadi a’r Celtiaid i blant 5-8 oed:
Cyfres y Melanai, trioleg ffantasi ar gyfer yr arddegau cynnar.
A llawer mwy ar gyfer oedolion a phobl sy’n dysgu Cymraeg.
Amdani! oedd fy nofel gyntaf erioed:
Gafodd ei throi yn gyfres deledu hynod boblogaidd. Llun arall o Ffion Dafis i chi:
A dyma rai o’r llyfrau eraill:
Bethan Gwanas 
Annwyl Bethan,
Rydyn ni’n ysgrifennu atoch chi achos bod ni’n datblygu prosiect newydd pwysig ynglŷn â’r iaith Gymraeg a hoffen ni gael eich help.
Mae prosiect Corpws Cenedlaethol Cymraeg Cyfoes (CorCenCC) yn brosiect uchelgeisiol a ddechreuodd yn swyddogol ar Fawrth 1af 2016 (gellir dod o hyd i fanylion pellach am hyn yma: sites.cardiff.ac.uk/corcencc/).
Os posib i chi gysylltu â mi ar WilliamsL10@cardiff.ac.uk er mwyn i mi yrru mwy o wybodaeth i chi?
Cofion cynnes,
Lowri Williams
CorCenCC Research Assistant | Cynorthwwydd Ymchwil CorCenCC
Cardiff University | Prifysgol Caerdydd
Helo! Beth yw eich barn chi am lyfrau Annalisa Swyn? Rydym yn chwilio am adolygiad.
Diolch yn fawr iawn
Mae’n ddrwg gen i, bwriad y blog hwn yw rhoi sylw i lyfrau Cymraeg gwreiddiol, yn hytrach nag addasiadau. Ddim wedi gweld y llyfrau beth bynnag, ond pob lwc efo nhw.
Hi Bethan
I have just finished a mini biopic of your Great Aunt Laura Evans-Williams. I attach the link if it is of interest. She was a wonderful lady
https://www.geraintroberts.com/laura-evans-williams-reflections-of-my-great-aunt/
Fantastic! Diolch, Geraint.